Բարեգործության Միջազգային Օրվա՝ սեպտեմբերի 5-ի մասին։
Բարեգործությունը, ինչպես և կամավորությունը, միավորում են մարդկանց և նպաստում ավելի ներառական ու կայուն հասարակության ստեղծմանը։ Բարեգործությունը օգնում է հաղթահարել մարդասիրական ճգնաժամերի հետևանքները, լրացնում է պետության առողջապահության, կրթության, բնակարանաշինության և սոցիալական պաշտպանության ոլորտներում իրականացվող գործունեությունը։ Բարեգործությունը նպաստում է մշակույթի, գիտության, սպորտի զարգացմանը և բնության պահպանությանը։ Այն աջակցում է նաև առավել խոցելի խմբերի մարդկանց։
2012 թվականի դեկտեմբերի 17-ին ՄԱԿ-ի Գլխավոր ասամբլեան 67/105 բանաձևով սեպտեմբերի 5-ը հռչակեց Բարեգործության Միջազգային օր։ Ամեն տարի ՄԱԿ-ի աջակցությամբ այս օրվա շրջանակում տարբեր երկրներում անցկացվում են զանգվածային բարեգործական միջոցառումներ՝ ի շահ զարգացման և խաղաղության։ Այս օրը հնարավորություն է ոչ միայն բարեգործական միջոցառումներ կազմակերպելու, այլև բարձրացնելու մարդկանց իրազեկվածությունը բարեգործական գործունեության մասին և տեղեկացնելու, թե ինչպես կարող է յուրաքանչյուրը ներգրավվել կամ աջակցություն ստանալ։
Բարեգործական գործունեությունը ավելի ուժեղ է դարձնում բանականության և գթասրտության ձայնը հակամարտությունների պայմաններում։ Քանի դեռ աշխարհում սոցիալական անհավասարությունը աճում է, 2015 թվականի սեպտեմբերին ՄԱԿ-ի անդամ երկրները ընդունեցին 2030 թվականի Կայուն զարգացման օրակարգը։ Այս օրակարգում ներառված են 17 նպատակներ, որոնք ընդգծում են քաղաքացիական ներգրավվածության կարևորությունը։ Այս 17 կայուն զարգացման նպատակները ընդգրկում են վեց հիմնական ոլորտ՝ արժանապատվություն, մարդիկ, մոլորակ, բարեկեցություն, արդարություն և գործընկերություն։ Դրանք կարող են փոխել մարդկանց կյանքը դեպի լավը և պաշտպանել մեր մոլորակը։ Դրան կարելի է հասնել համատեղ ջանքերի ուժեղացմամբ՝ ժամանակակից գլոբալ խնդիրների լուծման նպատակով և բարեգործական կազմակերպությունների համար այնպիսի պայմաններ ստեղծելով, որոնք կօգնեն բարելավել մարդկանց կյանքը։